’L REOPLAN
-Spettarumia ancora un pezz?!..
Vöt ved Rossi ? Tal lè in mezz.
-L'è un bel giuvan in vrità,
piantà bein e bein carcà
e pò digh, l'è vöin di nostar,
e una cera da parvostar;
e, m'inteind, cl'è un tramajon
grev me l'ursa dal puvron!..
- Bein, lü ’l dveinta tanta alzer
cal va via cme un sgarber.
-Angu e pò da la Ma..gotta?
ma val donca in aria abotta?
-Non plus ultros! Fa attinsion
pò at dirè s'a go ragion!
-Ai me teimp (cos val mai tas!)
a vulâva almà ch i'âs,
a ausöin mai (a l'è da cred)
al s'muiva a andaja a ved.
Quand vöin l'era là inucà
bucca averta spalancà,
dsivam: Uhi! dascantat, ciula!
guârdat pr'aria l' âs cal vula?
Ma, i me fioj! a 'l dè d'inco!
n'as capissa miga pò!
O verussia a scapiss davans
punto e basta ! e s'va po inans!
-T'è da ved! A l'è un carett
con du rod cme il biciclet
con da il part du bell' âl grand
seimpar pront averì insband
e in sal mezz a ghe un scranein;
s'ag va sö; s'ag posta bein;
as dis: via! - tacca a pirlâ
cme un vintai indemoniâ
c'un matt vers, un matt fron fron
cme un gram sam ad gravalon
e 'l fa möv tant fort 'l veint
che 'l carett in sal mumeint
prima 'l curra un toc abbass,
pò 'l sa leva cme un uslass,
e 'l tma tacca a fâ una ronda
granda granda, tonda tonda..
l’è za in âlt.. l’è una puiana..
un pisson.. una rundana..
e pò dop un mumintein
n'at ved pö che 'l ciel asrein.
-Accar giggiu! a sul pinsâl
sma sfardissa l'umbarsâl!
-Quand pò 'l turna a l'è adritûra
un affari c'fa pagüra
parchè at dis: El drè a calà!
o, Madonna! el drè a cascà!
-Ahi! fiulass d'una sacchetta
s'am dascüsa la tachetta!..
-Ma pò quand l'e propria abass
alt da terra treinta brass,
lü al la gira tanta bein
cme un pisson cal cala a'l nein
che, fiöl me! - ma vurè mör!
-as ta slârga tanta 'l cör
c'at ta lev a batt il man:
Viva! viva l'areoplan!
Tütt i curan a imbrassâl,
il vön ved, i vòn basâl:
Bravo Rossi! un piasintein!
n'ho mai vist vulà cse bein!
se pò at tac un pò a suflà
t'è un usel ninà e spudà!!–
Questo componimento anonimo, scritto per le giornate aviatorie dell'aprile 1911, racconta di come gli attoniti spettatori seguivano la manifestazione. Bellissime le similitudini e i modi di dire che l'autore usa per spiegare le evoluzioni volanti del pilota piacentino Giuseppe Rossi. Infatti dice che quest'omone grande e grosso da sembrare un tronco di legno pesante come un grosso vaso di peperoni su questo mezzo diventa leggero e vola via come un uccellino. Uno spettatore meravigliato dice scherzosamente che ai suoi tempi l'unica cosa che volava erano gli asini e che nessuno si muoveva per andarli a vedere. Poi fa una breve descrizione del velivolo e l'elica del motore che gira come un ventaglio indemoniato e il rumore simile ad uno sciame di calabroni. Poi l'aeroplano prende il volo come un piccione o una rondine, fa evoluzioni e poi scompare nel cielo. La paura è tanta quando scende in picchiata per l'atterraggio, i brividi dei presenti -per la miseria sta cadendo- e invece a poca distanza da terra come un piccione cala sul suo nido, l'aereo tocca il suolo. Il pubblico finalmente rilassato tributa al Rossi i giusti applausi per il magnifico spettacolo, un trionfo. L'ultima battuta sul pilota "se dovesse iniziare a fischiare sembrerebbe proprio un uccellino"..
foglio volante in ricordo della grande manifestazione
aviatoria svoltasi nei cieli di piacenza 1911