PiacenzAntica

“di sergio tonoli”

Che sciùss incò
e al sul al ghè mia
la và vutr' adàsi
la gint in' d là via

sa stà adrè al mùr
pr' un spisig d' umbria
in piassa a gh' è antzoi
a ghe' la muria

un gir in' d' un bar
un guss d' acqua un sùrbòtt
a gh' e un tipù c' al vùsa
al pàr un pavlòtt

via Rùma deserta
pr' al chèd e pr' al rest
al Marlùss una vòta
ig fàvan al fèst

in Piassa dal Domm
di vecc' di ragass
un negar cul bursi
al veinda di strass

so mia s' andà in Trebia
o ins' l' arsan ad Po
almeno a ghè al pianti
finisa a g' andrò..